- O'yin haqida fikringiz?

- Bugun olti ochkolik o'yin bo'ldi. Buni hamma tushunib turgandi. Chunki ikkala jamoa ham bir maqsad yo'lida, yani Superligada qolish uchun kurash olib boryapti. O'yinda ustunlik ko'proq "Mashal" tomonida bo'ldi. Biz esa o'zimizni ko'rsata olmadik. Buning ustiga birinchi taymda futbolchimiz qizil kartochka oldi va vaziyat biz uchun yanada og'irlashdi. Shunga qaramay oxirigacha kurash olib borgan futbolchilarga o'z rahmatimni aytaman. Biz qo'lni tushirmadik va safarda bir ochko qo'lga kiritdik. To'g'ri, yutishni xohlagandik, lekin uchrashuvdagi ko'p vaziyatlardan kelib chiqqan holda durang yomon emas deb o'ylayman.

- Zaxiradan futbolchilarni tushirish orqali nimaga ko'proq urg'u berdingiz?

- Bunday paytda o'yinga qo'shilib ketish qiyin bo'ladi. Shu bois zaxiradan tushganlar birdaniga o'yinni kuchaytirib yubordi deya olmayman. Muhimi, bahs tempini tushirmasdan bir tekis tugatib qo'ydik.

- Qizil kartochka haqida fikringiz?

- Epizodni qayta ko'rishimiz kerak. O'yindagi holatlardan biri ro'y berdi, futbolchimiz tirsagi bilan urdimi-yo'qmi, bilmayman. Hakam esa qaror qabul qildi.

- Jamoangiz "So'g'diyona" va "Navbahor"ni mag'lub etdi, ammo "Mashal"ni enga olmadi.

- Shuni aytishim mumkin, bizga emociya etishmadi. Xarakter ko'rsata oldik, lekin yutish uchun kuchli ishtiyoq ham kerak. Kubok yarim finalidan so'ng oradan to'rt kun o'tdi va bu vaqt oralig'ida hech qanaqa taktika ishlab chiqa olmaysan. Bunday pallada ishtiyoq ko'p narsani hal qiladi. Bugun "Mashal" jamoasi bizga nisbatan tetik edi. Chunki muborakliklar bir haftadan ko'proq dam olishdi. Bizga esa tetiklik etishmadi.

Aleksandr Xomyakov: "Bizga tetiklik etishmadi"