Yaqinda Qo'qondagi “Markaziy” stadionda bo'lib o'tgan yangi futbolchilarni tanishtiruv marosimida 86 yoshli faxriy jurnalist Mo'ydinjon ota Yo'ldoshev stadionga kelgan ishqibozlarga o'zining yangi sherini o'qib berdi. Sher "Qo'qon shunqorlari" deb nomlanadi.

QO'QON SHUNQORLARI

(“Qo'qon-1912” futbol jamoasiga ataladi)

Futbol kezayotir yurtimiz bo'ylab,

Berayin Qo'qonning futbolin so'ylab.

Sardordan so'z ochsak Nosirjon o'zi –

Xo'p dadil to'p surar, qatiydir so'zi.

Darvozabon - yarim jamoa derlar,

O'yinda Azizxon “o'lguncha” terlar.

Jalil va Darkodan umidlar katta

Bahodir ko'rsatar o'zin albatta!

Muxlislarga suyuk bizning Javohir,

Raqib himoyasin buzishga qodir.

Jarima to'plarni mohir Murodjon –

Golga aylantirib qo'yyar har qachon!

Zarbalar bersa gar Berdiev Suhrob,

Ko'plab darvozabon bera olmas tob.

Olis yurtdan keldi Filipp Rayevac,

To'purarlikdan u berayotir dars.

Jamoa zo'r o'yin etsa namoyish,

Hamma shodu xurram, bo'lmagay koyish.

Ey, “Qo'qon-o'n ikki” belingni bog'la,

Qiyin o'yinlarga o'zingni chog'la.

Oldinda turibdi o'yinlar zo'ri,

G'olib chiqsang senga davraning to'ri.

Orzular ko'p albat, qoqadir qanot,

Muxlislar orzusi baxsh etsin najot.

Raqib darvozasi to'plarga to'lsin,

Omad va g'alaba Sen tomon bo'lsin,

Qo'qon shunqorlari bo'linglar omon!

Yana o'zing ko'rsat, Hasanov No'mon!

Mo'ydinjon YO'LDOSH.

86 yoshli jurnalist "Qo'qon-1912"ga atab sher yozdi